kutubhona

وَلاَ تَحْزَنْ عَلَيْهِمْ وَلاَ تَكُ فِي ضَيْقٍ مِّمَّا يَمْكُرُونَ
«Уларнинг (яъни, мушрикларнинг динга кирмаганликлари) устида маҳзун бўлманг. Уларнинг макру ҳийлаларидан сиқилманг ҳам!» [Наҳл: 127]

إِنْ عَلَيْكَ إِلَّا الْبَلَاغُ
«Сизнинг зиммангизда фақат (Биз сизга нозил қилган ваҳийни) етказиш бор холос» [Шуро: 48]

Лекин Аллоҳ Таоло Набий с.а.в.ни у кишига нозил бўлган ва одамларга етказган ҳукмларни татбиқ этиш учун ҳокимият вазифаларини адо этиши чоғида қилган ишларида итоб қилди. Аллоҳ Пайғамбаримиз с.а.вни бу ишларни аввалги ҳукмларга хилоф равишда қилгани учун итоб қилди. Аллоҳ Таоло деди:

مَا كَانَ لِنَبِيٍّ أَن يَكُونَ لَهُ أَسْرَى حَتَّى يُثْخِنَ فِي الأَرْضِ
«Бирон пайғамбар учун то ерда ғолиб бўлмагунича, асир олиш жоиз эмас эди» [Анфол: 67]

عَفَا اللّهُ عَنكَ لِمَ أَذِنتَ لَهُمْ
«(Эй Муҳаммад), Аллоҳ сизни афв қилди. (Лекин) нима учун уларга (жиҳодга чиқмаслик учун) изн бердингиз?!» [Тавба: 43]

Ҳокимиятда мусулмонларга раҳбарлик мансаби нубувват мансабидан бошқа эканлиги бу ишларда очиқ кўриниб турибди. Шундан аён бўладики, дунёдаги ҳамма мусулмонларнинг умумий раёсати бўлмиш Халифалик илоҳий мансаб эмас, башарий мансабдир. Чунки у ҳокимият мансаби бўлиб, Росулуллоҳ с.а.в. уни эгаллаган эдилар. Пайғамбаримиз с.а.в уни қолдирдилар ва мусулмонлардан биронтаси бу мансабда ўзига ўринбосар бўлишини фарз қилдилар. Демак халифалик нубувватда эмас, балки ҳокимиятда Росулуллоҳ с.а.в. ўрнида унинг халифаси-ўринбосари туришидир. Демак у ваҳийни олишда ва Аллоҳдан шариатни олишда эмас, балки Ислом ҳукмларини татбиқ қилиш ва Ислом даъватини етказиш учун мусулмонлар раёсатида Росулуллоҳ с.а.в.нинг халифаси бўлишдир.

Аммо Росулуллоҳ с.а.в.нинг маъсумлигига тўхталадиган бўлсак, унинг асоси Пайғамбаримиз с.а.внинг ҳоким бўлганлиги эмас, пайғамбар бўлганлигидир. Маъсумлик шундан келиб чиқади. Чунки маъсумлик ҳамма набийлар ва росуллар сифатланиши вожиб бўлган сифатлардандир. Улар одамларга ўзлари олиб келган шариат билан ҳукм юритдиларми ва уни татбиқ қилдиларми ёки фақат етказиш